SEO أهم مصطلحات السيو
ممكن تكون سمعت كتير عن مصطلحات ال سيو SEO زي الكلمات الدلالية، الروابط الخلفية، الروابط الداخلية لكن تعرف يعني ايه؟ قبل ما تبدأ تبني موقعك الإلكتروني لازم تبقى عارف كل حاجة عن SEO عشان تقدر تبني موقع متكامل ويكون متوافق مع المعايير المطلوبة وبالتالي تقدر تتصدر محركات البحث.
يمكنك الحصول على خدمة سيو عن طريق شركتنا ايضا هنا
يعني ايه سيو SEO ؟
كلمة السيو SEO ده اختصار لكلمة Search engine optimization،عشان نوضحلك أكتر الـ(Search engine او محركات البحث) هو الموقع اللى ممكن تعمل عليه search عن أى حاجة زى جوجل كده أو بينج . والـ Optimization يعنى إنك تحسن الـRank بتاعك، يعنى لو حد عمل( بحث search) عن الـموقع بتاعك تطلعله فى أول النتايج.
لان محركات البحث بتعتبر من أهم مصادر الزيارة لأغلب المواقع. ولل SEO عوامل مؤثرة كتيرلتحسين وضع موقعك فى محركات البحث على الانترنت، لازم تحافظ عليهم لأن تجاهلك لأي واحد فيهم ممكن يأثر بالسلب على موقعك سواء بشكل مباشر أو غير مباشر.
مصطلحات ال سيو SEO (Search Engine Optimization)
السيو الداخلي ( SEO on page) : وهو الميتاتاج (Meta tag) و العنوان (Title) والوصف (Description) ورابط المقال (Link)
الكلمات الدلالية (Keywords) : هي عبارة عن كلمات بيتبني عليها المقال بشكل كامل وبتعتبر البنية الأساسية للمقالة. مثلا اكتب في جوجل عن فوائد الخضروات هتلاقي صفحات كتير كاتبة عن الكلمة دي بالتحديد. ولو فتحت أي مقال فيهم هتلاقي ان المقال كله بيدور عن نفس الموضوع. أنت لما تحدد كلمة “فوائد الخضروات” بتسهل عملية الوصول ليك من الباحثين في جوجل
عمر الدومين Domain Age : هو عامل مهم فإذا كان دومين موقعك قديم هيكون له مصداقية كبيرة عند جوجل أكتر من الجديد
الأرشفة ( Indexing ) : بمعنى أن تكون كل الصفحات الموجودة في موقعك ظاهرة في جوجل، عشان لما حد يبحث يقدر يلاقي موقعك بسهولة. بتعتبر عناكب جوجل هي المسؤولة عن عملية الأرشفة بعملية اسمها الزحف ( Crawling)
صفحة نتائج البحث الطبيعية (SERP) : أو search engine result page، هي نتائج البحث اللي بتظهر في جوجل على شكل عنوان ورابط ومعلومات بسيطة عن الموضوع
الروابط الداخلية (Internal links ) : مثلا لو على موقعك مقال عن رياضة كرة اليد ومقال عن كرة القدم. فممكن تكتب مقال عن أهم الألعاب الجماعية وأشير بلينكات للمقالين السابقين. الروابط دي بتمسى روابط داخلية لانها من داخل موقعك. ودي بتساعدك أن الزائر يتنقل أكتر فيه ويقلل من معدل الارتداد وده بيعلي مكانك في SEO
الروابط الخلفية ( Backlinks) : وهي بمعنى نشر لينك موقعك في مواقع تانية، مثلا لو حد من الزائرين عاجبه مقال على موقعك فعمله شير على موقعه أو على حسابه على السوشيال ميديا ده بيعتبر نوع من أنواع الباك لينك.
الباك لينك ممكن يكون سلاح ذو حدين لأن لو حد عمل شير للينك موقعك على موقع فيه Page authority, Domain authority عالي، فده هيأثر بالايجاب وهيعلي ال SEO لموقعك، والعكس صحيح لو حد عمل شير للينك موقعك على موقع به سيو سئ أو عليه Spam هيأثر بالسلب على موقعك
النص المرفق برابط ( ِAnchor text) : عبارة عن كلمة أو نص تربط به لينك معين يدخلك على موقع تاني أو على نفس موقعك لكن في صفحة تانية وممكن نسميها ( اخفاء لينك من خلال نص معين)
سهولة استخدام الموقع (Site usability) : وده بيقاس به سهولة استخدام موقعك للزوار وسهولة التنقل بين صفحاته، وكل ما زاد سهولة الاستخدام، بيحسن في نتائج البحث عن موقعك في جوجل. ولو كان الموقع صعب الاستخدام هيزيد من معدل خروج الزوار بالتالي هيزيد معدل الارتداد في موقعك وبالتالي هيأثر بالسلب عليك
سهولة الاستخدام للموبايل (Mobile usability) : هو مقياس مدى سهولة استخدام موقعك من على الموبايل وده بيعتمد على حاجات كتير زي ( السرعة، حجم موقعك على شاشة الموبايل، توافق قالب الموقع مع الموبايل ). في الوقت الحالي بقى من الأمور المهمة جدا سهولة استخدامك للموقع من الموبايل لأنه بيكون ليه دور كبير في أرشفة موقعك وظهور نتائجه في الصفح الأولى للبحث
خريطة الموقع ( Site map ) : هي عبارة عن أكواد خاصة بجوجل بتساعد على دخول “عناكب جوجل” عشان تحدد كل اللينكات الموجودة في الموقع ظ المواقع لتسهيل عملية الأرشفة وتظهره في صفحات نتائج
مجال ال SEO هو عملي بنسبة كبيرة جدا، فهو بيعتمد على الخبرة والتجارب. وعشان كده دايما جوجل بتنصح بأنك تعتمد على شخص متخصص في ال السيو لأنه مجال واسع. وعشان تقدر تعرف أكتر عن أهم مصطلحات السيو ممكن تزور منتدي المساعدة من جوجل اللي بيشرح فيه كل حاجة ال سيو
